العودة   منتديات المصطبة > الأقسام الإدارية > أرشيف المنتدى

أرشيف المنتدى جميع المواضيع المحذوفة والمكررة والمخالفة لقوانين المنتدى تُنقل هنا

انا افضل عضو فى المسطبة

كاتب الموضوع: eslam، في قسم: أرشيف المنتدى


1 
eslam


انا عامل الموضوع دة علشان اقول ن..

اول حاجة كلنا عرفين المثل بتاع زمان الى بيقول الجواب يبان من العنوان

اعتقد المثل دة مش حقيقى لية ؟

علشان الى مش هيدخل التوبيك هيقول دة مغرور اهو حكم على صاحب التوبيك من قبل ما يشوف هو كاتب اية ؟

ودة غلط لازم تسمع وجهة النظر الاول وتفهم هو يقصد اية وبعد كدة تزعل من حقك بس ياريت تسمع الاول وتاخد الكلام على عاتق الصالح مش السىء علشان فى ناس بتشك فى كل حاجة لو ضحكت يقولك بيضحك عليا لو قلت كلمة يقولك بيتكلم عليا وطبعا ممكن تلقى حد بعد الكلام دة كلو يقولك انتا تقصدنى انا بالموضوع دة

بجد ارضاء جميع الناس رهان على مستحيل

يعنى دى حاجة حبيت اقولها ليكم وعامل اسم التوبيك كدة علشان اخليكم تعرفو مش شرط العنوان بيدل عن مضمون كويس سعات بيحصل العكس تماماااااا وبيكون عنوان مش حلو بس المضمون جميل جداااا

تانى نقطة حابب اقولها هقولك قصة وتقولى هتعمل اية

واحد راح لحاكم وقلو انا واحد صفا عينى الشمال وعايز حقى وكان يبكى علشان عنية الى ضاعت انتا لو مكان الحكام هتعمل اية


اكيد نسبة كبيرة هتقول انا طبعا هسجن الى ضربو ودة انسان مفترى وكدة وهتفكر فى الانتقام من الراجل التانى بس استنى

الحاكم مش عمل كدة راح للشخص التانى وشافو تعرفو كان عامل ازى عينو الاتنين ضاعو بسبب الراجل الى راح وشتكى وقال دة صفا عينى الشمال شوف يعنى الى راح اشتكى هو الظالم وراح وعمل نفسو مظلوم


ضربى وبكى وسبقنى وشتكى يبقى

لازم الحاكم يسمع وجة نظر الاتنين لو المشكلة بين اتنين علشان يقدر يقول حكم عادل

وكمان ممكن تلقى واحد عمل غلطة وانتا طول عمرك شيفو انو حد كويس تقوم تزعل منو بس لية تزعل منو؟

انتا عارف ان الشخص دة انسان مش ملاك يعنى انو يعمل غلط دة طبيعى علشان مفيش انسان معصوم من الغلط انا مش بقول اغلط لا بقول ان الى بيغلط انسان بس الى يتعمد الخطاء دة شيطان

يعنى من الاخر مش عايز حد يحكم على شخص تانى غير لما يعرفو كويس

مش بيقولك انتا عرفت الشخص دة يقولك اة يقولك عشرتة يقولك لا يبقى معرفتهوش

وطبعا الله لية الباطن واحنا لينا الظاهر وللاسف الظاهر بيكون عكس الباطن بشكل كبير علشان كدة بيحصل كتيرمشاكل كتير بين الناس بسبب الفكر السطحى




اة الموضوع مش انى افضل عضو لالا انا عادى فى كتير جدا جدا احسن منى بمراحل انا مجرد عضو من ضمن الاعضاء

ويارب الموضوع ينال اعجبكم

والسلام عليكم



Powered by vBulletin® Copyright ©2000 - 2021, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.